Ոչինչ չեմ ասի... եթե Սերժ Սարգսյանը հանդիպի Աստծուն

 Արդեն տեղեկացրել ենք, որ ռուսական «Առաջին» հեռուստաալիքի «Պոզներ» հաղորդաշարի հյուրն է ՀՀ նախագահ Սերժ Սարգսյանը: Նա պատասխանեց Մարսել Պրուստի բլից հարցերին:

Պարզվում է Սերժ Սարգսյանն ամենաշատը ափսոսում է նրա համար, որ շատ բան չհաջողվեց անել:

Սերժ Սարգսյանը ցանկացել եւ ցանկանում է լինել նախագահ, որովհետեւ կան խնդիրներ , որոնք կարելի է լուծել եւ նա վստահ է, որ հենց ինքը կարող է լուծել այդ խնդիրները:

Լինել հայ, ըստ Սերժ Սարգսյանի, նշանակում է լինել հայության մասնիկ:

Եթե նախագահին տրվեր մեկ ցանկության հնարավորություն, որը կարող է իրականություն դառնալ, պարզվում է՝ Սարգսյանը կցանկանար, որ այլեւս երբեք Հայաստանը պատերազմի մասնակից չդառնար:

Սերժ Սարգսյանը կցանկանար սեղան նստել մարշալ Բաղրամյանի հետ:

Պարզվում է՝ Սերժ Սարգսյանը չի տիրապետում այն բոլոր հարցերին, որոնք ապագա նախագահը պարտադիր պետք է լուծի. սա համարում է իր ամենամեծ թուլությունը:

 Իր ամենամեծ ձեռքբերումը Սարգյանը սեփական թիմը համախմբելու կարողությունն է համարում:

Սարգսյանը դժվարացավ ասել, թե ինչ կփոխեր իր մեջ:

 Իսկ եթե հանդիպի Աստծուն, ոչինչ չի ասի, կլռի եւ կխոնարհվի: