Բրիտանական հանրագիտարանը «հայկական կոտորածներ»-ը փոխարինել է «Հայոց ցեղասպանություն» բառով

Բրիտանական հայտնի Encyclopædia Britannica-ն «հայկական կոտորածներ» բառը փոխարինել է «Հայոց ցեղասպանություն» բառով. գրում է Horizonweekly-ն:

Հոդվածում հակիրճ ասվում է. «Հայոց ցեղասպանությունը Առաջին համաշխարհային պատերազմի տարիներին (1914-18 թթ.) Օսմանյան կայսրության կողմից երիտթուրքական կառավարության՝ հայերի հանդեպ իրականացրած դաժան կամպանիա է: Հարյուրհազարավոր մարդկանց մահը գիտնականների եւ կառավարությունների միջև ինտենսիվ բանավեճի պատճառն է: Հայերը հայտնում են, որ այդ կամպանիան կանխամտածված փորձ է եղել՝ հայ ժողովրդին ոչնչացնելու ուղղությամբ, հետեւաբար` ցեղասպանության գործողություն: Թուրքիայի կառավարությունը դիմադրում է այն ցեղասպանություն անվանելու կոչերին` պնդելով, որ թեեւ տեղի են ունեցել դաժանություններ, չի եղել պաշտոնական քաղաքականություն, որպես խումբ, հայ ժողովրդին բնաջնջելու համար»: