Վթար` Տավուշի մարզում. 3 մարդ տեղափոխվել է հիվանդանոց

Հայաստանի ՏԿԱԻՆ-ում, այսօր՝ ապրիլի 11-ին, ժամը 15.50-ին տեղեկատվություն է ստացվել, որ Տավուշի մարզի Իջեւան քաղաքի հանքային ջրերի գործարանի մոտակայքում տեղի է ունեցել ավտովթար. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ: Պարզվել է, որ բախվել են «ԳԱԶ 33» մակնիշի եւ «ԳԱԶ 66» մակնիշի ավտոմեքենաները:

Մինչ հրշեջ-փրկարարների կանչի վայր հասնելը` «ԳԱԶ 66» մակնիշի ավտոմեքենայի վարորդ 19-ամյա Ա. Հ.-ն, ուղեւորներ 35-ամյա Ա. Չ.-ն եւ 19-ամյա Տ. Դ.-ն տեղի ուժերով դուրս են բերվել բեռնատարից եւ տեղափոխվել Իջեւան քաղաքի ԲԿ, որտեղ բժիշկները տուժածների առողջական վիճակը գնահատել են բավարար: