Ի՞նչ Քիմ Քարդաշյան, ես տեղյակ չեմ. մշակույթի փոխնախարարի զարմանքը

Այսօր կառավարության արտահերթ նիստից առաջ Yerkir.am-ի թղթակիցը փորձել է նախարարներից պարզել, թե ինչպես են գնահատում աշխարհահռչակ հեռուստաաստղ Քիմ Քարդաշյանի այցը Հայաստան` Հայոց ցեղասպանության ճանաչման համատեքստում:

Մշակույթի փոխնախարար Արև Սամուելյանը քիչ էր մնում ասեր՝ չգիտի` ով է Քիմ Քարդաշյանը: «Ի՞նչ Քիմ Քարդաշյան, ես ոչ մի բանից տեղյակ չեմ, ես նիստից ուշանում եմ»,- արձագանքեց նա:

Տարածքային կառավարման փոխնախարար Վաչե Տերտերյանն էլ այնպես զարմացավ հարցից, ասես երկու օր առաջ չէր, որ Քիմ Քարդաշյանին կառավարությունը ընդունեց` վարչապետի մակարդակով:

Հիշեցնենք, որ մյուս նախարարները ողջունեցին Քիմի այցը Հայաստան:

Արդեն քանի օր է` միջազգային մամուլը, գրելով Քիմի այցի մասին, ներկայացնում է նաեւ Հայաստանը, Հայոց ցեղասպանությունը: