ՀՀ վարչապետը հպարտ է, որ չենք մոռացել մեր արմատները. Քիմ Քարդաշյան

Քիմ Քարդաշյանն իր ֆեյսբուքյան էջում շարունակում է գրառումներ կատարել Հայաստան կատարած այցի մասին:

Նա, տեղադրելով Մայր Հայաստան արձանի առջև արված լուսանկարը, գրել է. «Քլոեն և ես երեկ այցելեցինք Մայր Հայաստանին: Այս արձանը այցելուներին հիշեցնում է հայոց պատմության ուժեղ կին գործիչների մասին: Ինձ դուր է գալիս, որ մեր մշակույթի մեջ կան հզոր կանայք և նաև շատ են հարգվում»:

Այնուհետև ՀՀ վարչապետ Հովիկ Աբրահամյանի հետ հանդիպումից լուսանկար տեղադրելով` Քիմը գրել է.«Պատիվ է հանդիպել Հայաստանի վարչապետի Հովիկ Աբրահամյանի հետ, ով իր հպարտությունը հայտնեց, որ մենք հայ ենք և չենք մոռացել մեր արմատները: # Երբեք չմոռանալ»: