Պատահար՝ Դավիթաշենի եկեղեցու մոտ. կա տուժած

Մարտի 23-ին, ժամը 03.35-ին ահազանգ է ստացվել, որ Երևանի Դավիթաշեն վարչական շրջանի եկեղեցու մոտակայքում տեղի է ունեցել ՃՏՊ` «Վոլկսվագեն» մակնիշի ավտոմեքենան բախվել է էլ. սյանը, կա տուժած. դուրս բերելու համար անհրաժեշտ է փրկարարների օգնությունը: Դեպքի վայր են մեկնել ՃԿԱԿ օպերատիվ խումբը և մեկ մարտական հաշվարկ:

Պարզվել է, որ «Մեդեսի» ատամնաբուժական կենտրոնի մոտ «Վոլկսվագեն» մակնիշի PO 056 Y 77 RUS պ/հ ավտոմեքենան (վարորդ Ա. Ա., ծնվ. 1985թ.) դուրս է եկել ճանապարհի երթևեկելի հատվածից և բախվել էլ. սյանը: Մինչ հրշեջ-փրկարարների կանչի վայր հասնելը` ուղևոր Ա. Մ.-ն (ծնվ. 1988թ.) տեղի ուժերով դուրս է բերվել ավտոմեքենայից և տեղափոխվել «Արմենիա» ՀԲԿ. բժիշկները տուժածի առողջական վիճակը գնահատել են բավարար: Հրշեջ-փրկարարները հոսանքազրկել են ավտոմեքենան: