Հայերի աճյուններով ծածկված հարթավայրը. The New York Times

Աղբյուրը՝ armeniangenocide100

NEW-YORK TIMES, Նյու Յորք, մարտի 20, 1915թ.

Հայերի աճյուններով ծածկված հարթավայրը

Թուրքերն ու քրդերը հաղորդում են, որ կոտորել են տղամարդկանց, կանանց և երեխաներին

Լոնդոն, մարտի 19

Հայկական Կարմիր խաչի հիմնադրամը Հայաստանում իրականացվող սարսափելի իրադարձությունների մասին տեղեկացրել է Լոնդոնի պաշտոնյաներին:

Վերջին տեղեկությունը ստացվել է Տերտերյան ազգանունով հայ բժշկից: Նա պատմում է, որ Ալաշկերտի ամբողջ հովիտը ծածկված է տղամարդկանց, կանանց և երեխաների աճյուններով:

Երբ ռուսական զորքը հեռացել է այս շրջանից, քրդերը հարձակվել են անպաշտպան ժողովրդի վրա և փակել նրանց մզկիթներում: Տղամարդկանց սպանել են, իսկ կանանց տարել լեռները:

Ըստ Կարմիր խաչի հիմնադրամի կազմակերպիչների տվյալների՝ Կովկասում այժմ 120.000 անօթևան հայ կա:

Պետրոգրադ, մարտի 19

Պարսկաստանի հյուսիս-արևմուտքից՝ Ուրմիայից ստացած հեռագիրը տեղեկացնում է, որ Ջուղա և Թավրիզ քաղաքներում նախքան մարդկանց տարահանումը, թուրքերն ու քրդերը  թալանել և այրել են գյուղերը և սպանել որոշ բնակիչների:

Սալմասում և Սառնայում ասում են, որ թուրք լիազորները հրամայել են ոչնչացնել քաղաքները:

Անթվաթի բոլոր հայ բնակիչներին հավաքել և, ըստ հաղորդագրության, ստիպել են անցնել  600 մղոն ճանապարհ, իսկ ստիպողաբար մահմեդականություն ընդունած կանանց բաժանել են  խմբերի և ուղարկել տարբեր քաղաքներ: