The New York Times-ի լրագրողներն ազատ են արձակվել

Օրեր առաջ տեղեկացրել էինք, որ Լիբիայում կորել են The New York Times-ի 4 լրագրողներ: Խմբագրությունը տեղեկություն էր ստացել, թե նրանց առեւանգել են Քադաֆիի զինվորականները:

Այն բանից հետո, երբ  The New York Times-ը հայտարարեց այդ մասին, Քադաֆիի կառավարության պաշտոնյաներն, ի պատասխան, նշեցին, որ եթե նրանց կալանավորել է կառավարությունը, ապա նրանք անվնաս հետ կվերադարձվեն:

Այսօր Լիբիայի կառավարությունը լրագրողներին ազատ է արձակել:  Չորսն էլ թեժ կետերում աշխատելու մեծ փորձ ունեն. Էնտոնի Շադիդը, ով The New York Times-ի Բեյրութի գրասենյակի ղեկավարն է, Պուլիտցերյան մրցանակի դափնեկիր, լուսանկարիչներ Թայլեր Հիքսը եւ Լինսի Ադարիոն եւ թղթակից, օպերատոր Ստեֆեն Ֆարելը, որը 2009-ին կալանավորվել էր Թալիբանի կողմից: