Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Երեկ Հայոց ցեղասպանության 100-ամյա տարելիցի միջոցառումների՝ Սիրիայի կենտրոնական մարմինը Հալեպի Ս.Աստվածածին եկեղեցու «Սուրենյան» սրահում արտահերթ նիստ է գումարել, որին մասնակցել են սիրիահայ երեք համանքապետերը, հայկական կազմակերպություններն ու միությունների ներկայացուցիչները: Այդ մասին տեղեկացնում է Հայոց ցեղասպանության 100-ամյա տարելիցի՝ Սիրիայի կենտրոնական մարմնի տեղեկատվական աղբյուրը:
Նիստի օրակարգի հիմնական առանցքը եղել է մարտի 17-ին Սիրիայի խորհրդարանի նախագահ Մուհամետ Ժիհատ Լահհամի` խորհրդարանի հերթական նիստում արած հայտարարությունը, որում նա հարգել էր Հայոց ցեղասպանության անմեղ զոհերի հիշատակն ու խորհրդարանի անունից զորակցություն հայտնել հայ ժողովրդին:
Կենտրոնական մարմինը որոշել է Սիրիայի նախագահ Բաշար ալ Ասատին եւ Սիրիայի խորհրդարանին հղել համազգային երախտագիտական նամակներ: Խորհրդակցական նիստին ընթացքում ժողովականները քննարկել են վերոնշյալ նամակների բովանդակությունն ու պարունակությունը:
Նիստի ընթացքում մարմինը հեռախոսազրույց է ունցել Սիրիայի պետական բարձրաստիճան պաշտոնյաների հետ, որոնց հիմնական թեման եղել է Սիրիայի խորհրդարանում Հայոց ցեղասպանության հարցի բարձրացումը: