Սևանցի տղամարդը ռետինե խողովակով ծեծել է նախկին ընկերուհուն , հետո սպառնացել սպանել

Գեղարքունիքի մարզի ընդհանուր իրավասության դատարանում վարույթ է ընդունվել կնոջը ծեծի ենթարկելու և սպանության սպառնալիքներ տալու վերաբերյալ գործը: Մեր տեղեկություններով` դեպքը տեղի է ունեցել Սևանում:

Այսպես. ըստ մեղադրական եզրակացության` Մկրտիչ Դանիելյանը 2014թ. հուլիսին կենցաղային հարցերի շուրջ վիճաբանել է իր նախկին ընկերուհի Ն. Նավասարդյանի հետ, որի ժամանակ դիտավորությամբ հարվածներ է հասցրել է վերջինիս մարմնի տարբեր հատվածներին, որից հետո դանակով մեկ անգամ հարվածել է ձախ ազդրի շրջանին՝ պատճառելով ֆիզիկական ցավ։ Այս մասին տեղեկանում ենք datalex տեղեկատվական համակարգից:

Ըստ նախաքննության` Դաինելայնը նախկին ընկերուհու հետ նման կերպ վարվել է  նաև նոյեմբերին: ՎԱԶ-2108 մակնիշի ավտոմեքենայի սրահում վիճաբանել է Ն. Նավասարդյանի հետ, որի ընթացքում 2 և ավելի անգամ բռունցքներպով, իսկ հետո ռետինե խողովակով, դիտավորությամբ, հարվածել է վերջինիս գլխին և թևերին՝ պատճառելով ֆիզիկական ցավ, այնուհետև ավտոմեքենայի պահախցիկից վերցնելով դանակ, մոտեցրել է Նավասարդյանի պարանոցին՝ տալով սպանության սպառնալիքներ։

Գործով իրեղեն ապացույց է ճանաչվել նախկին ընկերուհու գիշերազգեստը:

Դանիելյանին մեղադրանք է առաջադրվեծ ՀՀ ՔՕ 118-րդ և 137 հոդվածի 1-ին մասի հատկանիշներով: Նրա նկատմամբ, որպես խափանման միջոց է ընտրված` չհեռանալու մասին ստորագրությունը: