Եղունգները մխրճել է բժշկի մաշկի մեջ. սևանցի կնոջը մեղադրանք է առաջադրվել

Գեղարքունիքի մարզի դատախազությունը մարզի դատարան է ուղարկել Սևան քաղաքի բնակիչ 63-ամյա Կարինե Քարամյանի վերաբերյալ քրեական գործը: Այս մասին տեղեկանում ենք դատական տեղեկատվական համակարգից: Մեղադրական եզրակացության համաձայն՝ Կարինե Քարամյանն այս տարվա ապրիլին «Սևանի պոլիկլինիկա» ՊՓԲԸ-ի 118-րդ աշխատասենյակում անհիմն պատճառով, վիճաբանել է թերապևտ Ա. Խալաֆյանի հետ, որի ընթացքում, դիտավորությամբ, եղունգները մխրճել է վերջինիս աջ դաստակի 3-րդ մատի շրջանի մաշկի մեջ՝ առողջությանը պատճառելով թեթև վնասի հատկանիշներ պարունակող վնասվածքներ։

Կնոջը մեղադրանք է առաջադրվել ՀՀ ՔՕ 117-րդ հոդվածի հատկանիշներով (Դիտավորությամբ առողջությանը թեթև վնաս պատճառելը): Նրա նկատմամբ, որպես խափանման միջոց է ընտրվել չհեռանալու մասին ստորագրությունը: