Պահանջատիրության գործընթացը և երիտասարդությունը

Վաղը՝ մարտի 7-ին, ժամը 14:00-ին ՀՅԴ «Արամ Մանուկյան» երիտասարդական կենտրոնի 5-րդ հարկի դահլիճում (Գյուլբենկյան 38), Հայոց ցեղասպանության 100-ամյա տարելիցի ծրագրերի շրջանակում ՀՅԴ Հայաստանի Երիտասարդական Միությունը կազմակերպում է «Պահանջատիրության գործընթացը  և երիտասարդությունը» խորագրով երիտասարդական սեմինար:

Սեմինարի հյուր-բանախոսներն են լինելու`

·         2008-2015թթ. ՀՅԴ Բյուրոյի անդամ, պատմաբան, պատմական գիտությունների թեկնածու, դոցենտ Լևոն Մկրտչյանը` «Հայոց ցեղասպանության ճանաչման 100-ամյա գործընթացը և ՀՅԴ պահանջատիրական դիրքորոշումն այս գործընթացում» թեմայով բանախոսությամբ:

·         ՀՀ ԳԱԱ Հայկական հարցի և Հայոց ցեղասպանության պատմության բաժնի վարիչ, պատմական գիտությունների թեկնածու Արմեն Մարությանը` «Հայոց ցեղասպանության ճանաչման 100-ամյակի համահայկական հռչագրի էությունը և նրա ազդեցությունը հետագա գործընթացի վրա» թեմայով բանախոսությամբ:

«Պահանջատիրության գործընթացը  և երիտասարդությունը» խորագրով սեմինարի նպատակն է հայ երիտասարդության շրջանում Հայոց ցեղասպանության ճանաչման և հատուցման գործընթացի վերաբերյալ գիտելիքներ սերմանելը, համապատասխան քննարկում կազմակերպելը, լավագույն մասնագետների միջոցով վերոնշյալ հարցերի շուրջ կարծիքներ ձևավորելը: Երիտասարդությունը հնարավորություն կունենա անմիջական շփումով կապ հաստատելու և իրեն հուզող հարցերի պատասխանները ստանալու բանախոսներից: Այս սեմինարը ևս մի հարթակ է` համագործակցության դաշտ ստեղծելու և գիտակից ու կրթված հայ երիտասարդներին համախմբելու Հայոց ցեղասպանության ճանաչման և հատուցման գործընթացի շուրջ:

Երևան, Գյուլբենկյան 38, «Արամ Մանուկյան» երիտասարդական կենտրոն, հեռ.` (010)320445, (099)320445 ,    էլ. փոստ. [email protected]