Դրսում քվեարկությանն է սպասում այս երկրի հույսը` երիտասարդությունը. Վահան Հովհաննիսյան

Այսօր ԱԺ նիստը սկսվեց տեխնիկական խոտանով: Վարման կարգի վերաբերյալ ԱԺ ՀՅԴ խմբակցության պատգամավոր Արծվիկ Մինասյանը առաջարկեց, որ տեխնիկական խոտանի դեպքում աշխատանքի անցնի հաշվիչ հանձնաժողովը, բայց քանի որ քվեարկության է դրվելու կուտակային կենսաթոշակային համակարգի պարտադիր բաղադրիչը մեկ տարով հետաձգելու հարցը, ուրեմն պետք է քվեարկությունից առաջ հաշվի առնել, որ հազարավոր քաղաքացիներ հենց հիմա դրսում սպասում են: Ըստ այդմ` Արծվիկ Մինասյանը հորդորեց պատգամավորներին կողմ քվեարկել:

Իսկ ԱԺ ՀՅԴ խմբակցության պատգամավոր Վահան Հովհաննիսյանը նշեց. «Կարող է սարքը պատահական չի փչացել, և քանի որ քվեարկության է դրվելու կուտակային կենսաթոշակային համակարգը, ապա առաջարկում եմ այն անցկացնել փակ գաղտնի քվեարկությամբ: Դրսում կանգնած քվեարկությանն է սպասում այս երկրի հույսը` երիտասարդությունը»:

Նշենք, որ քիչ անց տեխնիկական խոտանը վերացվեց: