Չեչեն լրագրողը բացատրել է չեչեն հարսնացուի տխրությունը

Չեչեն լրագրող Ասյա Բելովան, ով անցկացրել է 17-ամյա Լուիզա Գոյլաբիևայի և  ներքին գործերի շրջանային բաժնի ղեկավար Նաժուդ Գուչիգովի ամուսնության արարողությունը, բացատրել է՝ ինչու է հարսնացուն տխուր եղել. աղջիկն իրեն պահում էր ավանդույթներին համապատասխան: Այդ մասին Բելովան ասել է Русская служба новостей ռադիոկայանին տված հարցազրույցում:

«Նա չպետք է ուրախություն արտահայտնի, թռչկոտի և ժպտա բոլորին, պարի սեղանի վրա: Նա իրավունք չունի ամուսնու բարեկամների մոտ բերանը բացելու ամուսնության առաջին օրը: Դա բազմադարյան ավանդույթ է: Նա տխուր էր, և բոլորին թվացել է, որ նրան ստիպողաբար են ամուսնացնում: Ոչ, իհարկե, նա իրեն պահում էր չեչենական ավանդույթներին համապատասխան»,- բացատրել է Բելովան: