Ֆրանսիան «Միստրալ»-ների փոխարեն փող է առաջարկել ՌԴ-ին. Коммерсант

Ֆրանսիան Ռուսաստանին առաջարկել է խզել «Միստրալ» տիպի երկու ուղղաթիռակիրների մատակարարման մասին պայմանագիրը: Այդ մասին գրում է Коммерсант-ը՝ վկայակոչելով ռազմատեխնիկական համագործակցության ոլորտում իր աղբյուրները:

Ֆրանսիական կողմը նախատեսում է Ռուսաստանին վերադարձնել 785 միլիոն եվրո, որը Ռուսաստանը կկարողանա ստանալ միայն այն բանից հետո, երբ կթույլատրի այդ նավերը վաճառել ցանկացած երրորդ կողմի:

«Սակայն Կրեմլը նման մոտեցման հետ համաձայն չէ: ՌԴ-ում «Միստրալ» նավերի կառուցման հետ կապված ծախսերն ու կրած վնասները գնահատում են 1,1 մլրդ եվրո և մտադիր չեն որեւէ թույլտվություն տալ, մինչև չստանան այդ գումարը»,- գրում է թերթը: