Սպասեք նոր զարգացումների. Վահան Բաբայանը՝ ԲՀԿ-ի ճակատագրի մասին

ԲՀԿ-ական պատգամավոր Վահան Բաբայանը, Yerkir.am-ի հետ զրույցում, պատասխանելով հարցին, թե ինչո՞վ է պայմանավորված այն հանգամանքը, որ պատգամավորները լքում են ԲՀԿ-ի շարքերը, ասաց, որ այդ ամենը ժամանակավոր գործընթաց է, և շուտով ամեն ինչ կկարգավորվի:

Մեր դիտարկմանը, թե ևս երկու պատգամավորի՝ ԲՀԿ-ից դուրս գալու մասին լուր է շրջանառվում, պատագամավորը պատասխանեց. «Ես նման տեղեկություն չունեմ»:

Վահան Բաբայանն ասաց նաև, որ առաջիկայում ականատես կլինենք նոր գործընթացների, որոնք ժողովրդի կողմից սպասված են: Պատգամավորը չցանկացավ մանրամասնել, թե կոնկրետ ինչ քաղաքական զարգացումների մասին է խոսքը, և այդ զարգացումները երբ են լինելու: «Սպասեք, կտեսնեք»,- ասաց նա:

Մեր հարցը, թե ԲՀԿ նոր նախագահի նշանակումից հետո՞ սպասենք այդ զարգացումներին, Վահան Բաբայանն անպատասխան թողեց: