ՀՀԿ-ն մյուս խմբակցությունների համար ցանկալի լուծում գտավ

ՀՀ ԱԺ նախագահն այսօր քվեարկության է դրել ԱԺ 5-րդ գումարման 7-րդ նստաշրջանի հաշվիչ հանձնաժողովի ձևավորման հարցը։ Նա առաջարկել է հանձնաժողովը կազմավորել 12 անդամից` ՀՀԿ՝ 6, ԲՀԿ՝ 2, մյուս խմբակցություններից՝ մեկական ներկայացուցիչ։

ՀՅԴ խմբակցության ղեկավար Արմեն Ռուստամյանը նշեց, որ ուրախ է, որ համագործակցության դաշտում գտնվեց լուծում, և որ ՀՅԴ-ն կողմ է քվեարկելու նախագծին:

Հիշեցնենք, որ նախորդ անգամ Գ. Սահակյանն առաջարկել էր հանձնաժողովը կազմել 13 անդամից՝ ՀՀԿ՝ 7, ԲՀԿ՝ 2, իսկ մյուս պատգամավորական խմբակցություններից՝ մեկական ներկայացուցիչ։ ԲՀԿ-ն, «Ժառանգությունը», ՀԱԿ-ը, ՕԵԿ-ը և ՀՅԴ-ն հրաժարվել էին մասնակցել այդ հանձնաժողովի աշխատանքներին։

Իսկ այսօր հանձնաժողովի այս նոր կազմին կողմ է քվեարկել 103, դեմ՝ 4, ձեռնպահ՝ 3 պատգամավոր։

Նշենք, որ երեկ ՀՅԴ խմբակցությունն է առաջարկել վերադառնալ հաշվիչ հանձնաժողովի ձեւավորման նախկին տարբերակին եւ ինչպես գազի ժամանակավոր հանձանաժողովի դեպքում պահպանել հավասարակշռությունը: