Ավարտվել է սուսերամարտի Հայաստանի երիտասարդների առաջնությունը (արդյունքներ)

 «Հայաստան» ՄՀԿ-ի Նորագավիթի սուսերամարտի օլիմպիական հերթափոխի մասնագիտացված մարզադպրոցում ավարտվել է սուսերամարտի Հայաստանի  երիտասարդների   առաջնությունը, որին մասնակցել են Երևանի, Վանաձորի, Գյումրու և Բյուրեղավանի սուսերամարտիկները:

Մրցումների երկրորդ և երրորդ օրը մրցել են ճկասուսերակիր տղաներն ու աղջիկները և թրասուսերակիր տղաները:

Ինչպես հաղորդում է Հայաստանի սպորտի և երիտասարդության հարցերի նախարարության  պաշտոնական կայքը, ճկասուսերակիր տղաների մրցապայքարում հաղթել է Մայքլ Հովհաննիսյանը (Երևանի հրաձգության մանկապատանեկան մարզադպրոց, անձնական մարզիչ՝ Գագիկ Հովհաննիսյան), 2-րդ տեղը զբաղեցրել է Արտուշ Գրիգորյանը (Գյումրու օլիմպիական հերթափոխի պետական մարզական քոլեջ, անձնական մարզիչ` Հարություն Տիգրանյան), իսկ 3-րդ տեղը կիսել են Պարգև Ստեփանյանը (Գյումրու օլիմպիական հերթափոխի պետական մարզական քոլեջ, անձնական մարզիչ՝ Հարություն Տիգրանյան) և Հայկ Բարսեղյանը (Արաբկիրի Ալբերտ Գրիգորյանի անվան օլիմպիական հերթափոխի սուսերամարտի մանկապատանեկան մարզադպրոց, անձնական մարզիչ՝ Սամվել Գրիգորյան):

Ճկասուսերակիր աղջիկների մրցապայքարում հաղթող է ճանաչվել Արփինե Աթոյանը («Քեթրին» ակումբ, անձնական մարզիչ՝ Արտաշ Մադոյան), 2-րդ տեղը զբաղեցրել է Սիլվա Ղազարյանը(«Քեթրին» ակումբ, անձնական մարզիչ՝ Արտաշ Մադոյան), 3-րդ տեղը կիսել են Սոնա Բարսամյանը («Քեթրին» ակումբ, անձնական մարզիչ՝ Արտաշ Մադոյան) և Յանա Եղոյանցը (Արաբկիրի Ալբերտ Գրիգորյանի անվան օլիմպիական հերթափոխի սուսերամարտի մանկապատանեկան մարզադպրոց, անձնական մարզիչ՝ Սուսաննա Ղազարյան):  

Թրասուսերակիր տղաների մրցապայքարում հաղթել է Արեն Անդրեասյանը (Վանաձորի մենապայքարային մարզաձևերի մանկապատանեկան մարզադպրոց, անձնական մարզիչ՝ Արսեն Զուրաբյան), 2-րդ տեղը զբաղեցրել է Հայկ Բարսեղյանը (Արաբկիրի Ալբերտ Գրիգորյանի անվան օլիմպիական հերթափոխի սուսերամարտի մանկապատանեկան մարզադպրոց, անձնական մարզիչ՝ Վարսիկ Հայրապետյան), իսկ 3-րդ տեղը կիսել են Արսեն Արազյանը («Հայաստան» ՄՀԿ-ի Նորագավիթի սուսերամարտի օլիմպիական հերթափոխի մասնագիտացված մարզադպրոց, անձնական մարզիչ` Անդրանիկ Արազյան) և Ռուբեն Սարգսյանը («Հայաստան» ՄՀԿ-ի Նորագավիթի սուսերամարտի օլիմպիական հերթափոխի մասնագիտացված մարզադպրոց, անձնական մարզիչ` Անդրանիկ Արազյան):