Գեղասահք. Անաստասիա Գալուստյանը չեմպիոն դառնալու լուրջ հայտ ներկայացրեց

Արդեն տեղեկացրել ենք,  որ Ավստրիայի Չուգանս քաղաքում մեկնարկել է Եվրոպայի պատանեկան օլիմպիական ձմեռային 12-րդ փառատոնը:

Այսօր տեղի ունեցավ գեղասահքի մրցաշարը: Եվրոպայի պատանեկան օլիմպիական փառատոնի ծրագրով  գեղասահորդուհիների մրցաշարում`  կարճ ծրագրով   մրցաձևում, 30 մրցակցուհիների պայքարում  գերազանց հանդես եկավ  Հայաստանի  պատվիրակ  Անաստասիա Գալուստյանը: Նա վաստակած 52,94   միավորով  գրավեց առաջին տեղը և  չեմպիոն դառնալու լուրջ հայտ ներկայացրեց:

Հունվարի  28–ին  գեղասահորդուհիները կմրցեն ազատ ծրագրով: Երկու մրցաձևերի  (կարճ և ազատ)  ընդհանուր գումարով կորոշվեն մրցանակակիրները:

 Ավելացնենք, որ կարճ ծրագրով  մրցաձևում 2-րդ և 3-րդ տեղերը զբաղեցրեցին, համապատասխանաբար, Ալեքսանդրա Պրոկլովան (Ռուսաստան, 50, 75)  և  Լեա Սերնանը  (Ֆրանսիա, 49, 04):