Զելենսկին պատժամիջոց է կիրառել 119 գործչի նկատմամբ. նրանց թվում են Մարգարիտա Սիմոնյանը, Միխայիլ Գալուստյանը, Եվգենի Պետրոսյանը, Կիրկորովը

Ուկրաինայի նախագահ Վլադիմիր Զելենսկին հրամանագիր է ստորագրել, որով անձնական պատժամիջոցներ են սահմանվել ռուս մշակույթի 119 գործչի նկատմամբ։ Տեղեկությունը հայտնում է «ՏԱՍՍ» գործակալությունը:

Ցուցակում են ռեփեր Բաստան, արտիստներ Իրինա Ալեգրովան, Դմիտրի Բիլանը, Միխայիլ Գալուստյանը, Լարիսա Դոլինան, Ֆիլիպ Կիրկորովը, Սերգեյ Լազարևը, Նիկիտա Միխալկովը և Եվգենի Պետրոսյանը։

Ըստ աղբյուրի՝ սահմանափակող միջոցներ են մտցվել քաղաքագետ Ալեքսանդր Դուգինի, հեռուստահաղորդավարներ Դմիտրի Կիսելևի և Լեոնիդ Յակուբովիչի, դերասաններ Դմիտրի Դյուժևի և Դմիտրի Խառատյանի, երգիչներ Ռոդիոն Գազմանովի, Վլադիմիր Պրեսնյակովի, Ալեքսանդր Բույնովի և Լոլիտա Միլյավսկայայի նկատմամբ։

Սև ցուցակում են նաև ընդգրկվել օպերային երգչուհի Աննա Նետրեբկոն, RT հեռուստաալիքի գլխավոր խմբագիր Մարգարիտա Սիմոնյանը և ուկրաինացի հեռուստահաղորդավարուհի Ժաննա Բադոևան։

Պատժամիջոցների ենթարկված բոլոր անձանց ունեցվածքը արգելափակվել է տասը տարով։