Տհաճ անակնկալ Էրդողանի համար՝ Սաուդյան Արաբիայի թագավորի հուղարկավորության ժամանակ

Տեղեկացրել էինք, որ 91 տարեկան հասակում մահացել է Սաուդյան Արաբիայի թագավոր Աբդուլահ բեն Աբդել Ազիզ Ալ Սաուդը:

Թուրքական Haberler-ը տեղեկացնում է, որ թագավորի հուղարկավորման արարողության մասնակցելու համար Ռիադ կմեկնի նախագահ Էրդողանը:

Հայտնի է դարձել, որ թագավորի հուղարկավորությանը ներկա է լինելու նաև Եգիպտոսի նախագահ Սիսին, ինչը տհաճ անակնկալ է լինելու Էրդողանի համար:

Հիշեցնենք, որ Նյու Յորքում Միավորված ազգերի կազմակերպության (ՄԱԿ) Գլխավոր ասամբլեայի 69-րդ նստաշրջանում Էրդողանն իր ելույթում միջազգային հանրությանը մեղադրել էր Եգիպտոսում ռազմական հեղաշրջում իրականացնողներին օրինականացնելու մեջ, որից հետո Եգիպտոսի ԱԳՆ պաշտոնական ներկայացուցիչ Բադր Աբդել Աթին խիստ քննադատության էր ենթարկել նրան և չեղյալ հայտարարել երկկողմ հանդիպումները: