Սաուդյան Արաբիայի թագավորի մահը արժևորում է ռուբլին

Այսօր բորսաները բացվեցին, և ռուբլին միանգամից սկսեց ամրապնդել իր դիրքերը դոլարի և եվրոյի նկատմամբ: Որքան էլ տարօրինակ է` ռուբլու արժևորման վրա ազդեցություն է ունեցել Սաուդյան Արաբիայի թագավորի մահը: Թագավորի մահը անմիջապես ազդել է նավթի գների բարձրացման վրա, քանի որ բոլորը հույս ունեն, որ թագավոր Աբդուլահ բեն Աբդել Ազիզ Ալ Սաուդիին հաջորդողը նոր քաղաքականություն կվարի, ինչը լավատեսական սպասումներ է առաջացրել նավթի շուկայում:

Նավթի գները մի փոքր բարձրացել են, ինչն էլ ազդել է ռուբլու կայունացման վրա: Դոլարի նկատմամբ ռուբլին արժեւորվել է միանգամից 1.5 կետով: 1 դոլարի գինը 64 ռուբլու փոխարեն այժմ 62.5 ռուբլի է: