100 մլն դոլար. Սաուդյան Արաբիայի թագավորի և նրա թիկնապահների հանգիստը՝ Մարոկկոյում

Սաուդյան Արաբիայի թագավոր Սալմանը արձակուրդի համար մեկնել է Մարոկկո, որտեղ մեկ ամսվա ընթացքում ծախսել է 100 մլն դոլար: 

Ըստ The Daily Mail-ի՝ իր ամենասիրած հանգստյան վայրը՝ Մարոկկոյի հյուսիս մեկնած թագավորին դիմավորել է Մարոկկոյի վարչապետը:

Սալմանը հանգստացել է իրեն պատկանող ամառային պալատում: Նրա հետ մեկնած 1000 հոգանոց թիկնազորի յուրաքանչյուր անդամը մեկ ամիս շարունակ նույնպես ապրել է 5 աստղանի հյուրանոցում: Մարոկկոյում թագավորն ու նրան ուղեկցող խմբի անդամներն օգտագործել են 200 մեքենա:

Ըստ կայքի՝ Սալմանի՝ Մարոկկոյում անցկացրած արձակուրդի ծախսը հավասար է իր երկրի զբոսաշրջության տարեկան եկամտի 1.5%-ին: