Ի՞նչ չհասկացան ՌԴ-ում՝ Գյումրիի ողբերգության հետ կապված. «Дождь»-ի անդրադարձը

Ռուսական ընդդիմադիր Дождь-ը ՝«Ի՞նչ չհասկացան Ռուսաստանում` Գյումրիի ողբերգության հետ կապված» մեծ ռեպարտաժ է պատրաստել:

Հեռուստաալիքն անդրադարձել է փոքրիկ Սերյոժայի մահվանը, Պերմյակովի՝ զորամասից փախչելու և դաժան սպանության մանրամասներին, Գյումրիում տեղի ունեցած ակցիաներին և բախումներին:

Նշվում է նաեւ, որ Գյումրիի վերջին դեպքերը արթնացրել են հայերի հին վերքերը, երբ Պոդոլսկում վթարի մեղավոր ճանաչված Հրաչյա Հարությունյանին կանացի խալաթով նվաստացրեցին դատարանում: Ռեպորտաժում նշվում է, որ հայերը վրդովված են, որ Հարությունյանին նվաստացրել են և դատել ՌԴ-ում, իսկ դաժան սպանության մեջ կասկածյվող Պերմյակովին չեն հանձնում հայկական կողմին:

Հեռուստաալիքը նաև նշում է, որ ՌԴ նախագահ Վլադիմիր Պուտինը ողբերգությունից միայն 6 օր անց արեց այն  ինչ շուտ պետք է աներ՝ ցավակցություն հայտնեց հայ ժողովրդին: «Այս ողջ ընթացքում դա, կարծես, առաջին քայլն էր՝ ուղղված հասարակությունում առաջացած կոնֆլիկտը մեղմելուն»,- ասվում է ռեպորտաժում: