Charlie Hebdo-ի ահաբեկիչներ Քուաշի եղբայրները սպանվեցին

Charlie Hebdo ահաբեկչության մեջ կասկածվող հանցագործները սպանվել են Ֆրանսիայի իրավապահների իրականացրած հատուկ գործողությունների արդյունքում: Այս մասին հաղորդում է «Ֆրանս պրես»-ը: Հանցագործները թաքնվել էին Փարիզի հյուսիսում գտնվող տպագրատան շենքում և պատանդ էին վերցրել մի քանի մարդու:

Հաղորդվում է կրակոցների ու պայթյունների մասին:

Հիշեցնենք, որ ահաբեկչություն իրականացրած անձինք Քուաշի եղբայրներն են, ովքեր հունվարի 7-ին հարձակվել էի`ն Charlie Hebdo խմբագրության վրա՝ կրակ բացելով լրագրողների ուղղությամբ: Արդյունքում` զոհվեց 12 մարդ, այդ թվում գլխավոր խմբագիր Ստեֆան Շարբոնիեն:

Հանցագործները հարձակում գործելու ժամանակ հայտարարել էին, որ իրենք «Ալ Քաիդա» խմբավորման անդամներ են: Ներխուժելով խմբագրություն` նրանք նաև հայտարարել էին, որ վրեժ են լուծում հանուն իրենց մարգարեի: