Ահաբեկչություն` Charlie Hebdo երգիծական հանդեսի խմբագրությունում

Փարիզում հրատարակվող  Charlie Hebdo երգիծական հանդեսի խմբագրության վրա կատարված ահաբեկչական հարձակման արդյունքում խմբագրության  տասը լրագրող է սպանվել. հայտնում է «Ռոյթերս» գործակալությունը:

Ահաբեկիչները եղել են երկու հոգի: Նրանք, «Կալաշնիկով» տեսակի  ինքնաձիգներով զինված, մտել են խմբագրություն և գնդակահարել լրագրողներին: Մեկ այլ աղբյուրի պնդմամբ` զոհերի թիվը 11 է: Կան վիրավորներ:

Հիշեցնենք, որ երգիծական հանդեսը  Մուհամեդ մարգարեի ծաղրանկարների հրապարակման պատճառով մի քանի անգամ   հայտնվել է սկանդալային իրավիճակներում: 2011թ. հանդեսը հերթական համարը նվիրեց իսլամական թեմային, որից հետո խմբագրության առջև անցկացվեցին բողոքի ակցիաներ, որոնց ժամանակ դրանց մասնակիցներն այրեցին խմբագրության շենքը: