Charlie Hebdo-ի ողբերգությունից հրաշքով փրկվել է հայ հումորիստ

Asbarez.com-ը, հղում տալով Huffington Post France-ին, տեղեկություններ է հաղորդել երգիծաբանի մասին, ով հրաշքով փրկվել է Փարիզում Charlie Hebdo-ի վրա ահաբեկչական հարձակումից: Փրկված երգիծաբանը հայ հումորիստ և լրագրող Մաթիե Մադենյանն է:

Ողբերգության օրը` հունվարի 7-ին, նա  աշխատանքի չի գնացել: Արյունալի հարձակումից ժամեր առաջ զանգահարել է խմբագրություն ու տեղեկացրել, որ այդ օրն ինքն աշխատանքի չի գնալու` հավելելով, որ պատրաստվում է Սուրբ Ծննդյան տոներին Ֆրանսիայում մեծ տարածում գտած քաղցրավենիք գնել, նոր գնալ խմբագրություն:

Հիշեցնենք, որ հունվարի 7-ին Charlie Hebdo-ի վրա տեղի ունեցած հարձակման հետևանքով զոհվել է 12 մարդ, այդ թվում` երգիծական թերթի գլխավոր խմբագիրը: