Քուաշի եղբայրները թաքնվում են Ֆրանսիայի հյուսիում

Երգիծական Charlie Hebdo պարբերականի խմբագրության վրա հարձակման մեջ կասկածվող եղբայրներ Շարիֆ եւ Սաիդ Քուաշիները թաքնվում են Ֆրանսիայի հյուսիսում: Այդ մասին հաղորդում է gazeta.ru-ն:

Ըստ իրավապահ մարմինների տեղեկությունների` նրանցից մեկը նկատվել է «Ալ Քաիդայի» համար ահաբեկիչների հավաքագրման ժամանակ: Երկու ահաբեկիչներն էլ «զինված եւ շատ վտանգավոր են»:

Ֆրանսիական լրատվամիջոցների տեղեկությունների համաձայն` ահաբեկիչները գտնվում են Փարիզից 80 կմ հյուսիս: Բացի այդ` նրանց կողմից թողնված մեքենայի մեջ ոստիկանները գտել են ջիհադականների դրոշներ ու մի քանի «Մոլոտովի կոկտեյլներ»: Ներկայումս չարագործները թաքնվում են Կրեպ ան Վալուա քաղաքի տներից մեկում: Ֆրանսիայի հյուսիսում հայտարարվել է ահաբեկչական սպառնալիքի առավելագույն մակարդակ: