Քանի որ ծանր սոցիալական տարի էր, զոքանչի համար ոչինչ չգնեցի. պատգամավոր

Yerkir.am-ի հումորային բլից հարցերին պատասխանում է ԱԺ պատգամավոր Էդմոն Մարուքյանը:

-Ամանորի գիշերը շա՞տ խմեցիք:

 -Ինչպես միշտ:

- Քանի՞բաժակից եք հարբում:

 -Երբեւէ չեմ հարբել:

 - Ի՞նչն է օգնում դուրս գալ խումարից:

 -Շարունակել խմելը:

 -Ամենաուրախ Նոր տարին:

 -Երբ շատ փոքր էի, բայց չեմ հիշում:

 -Իսկ ամենատխուրը:

 -Մի անգամ տոնածառը այրվեց:

 -Ամենաթանկ ամանորյա նվերը (գումարի առումով), որ ստացել եք:

 -Ինձ նվերներ չեն անում:

-Ամենաօրիգինալ նվերը:

 -Արդեն ասացի:

-Տոնը ստացված է, երբ...

 -Բոլորը ուրախ են եւ բավարարված:

- Առանց ինչի՞ չեք պատկերացնում Ամանորի սեղանը:

 -Թփով տոլմայի:

- Ձեր հանդիպած ամենատպավորիչ Ձյունանուշը:

-Եղել է նման բան…Վանաձորում:

 -Ձմեռ պապն առանց Ձյունանուշի, ինչպես …

-Ոչ լիարժեք Ձմեռ պապ:

 -Ձմեռ պապ լինելու բախտին երբեւէ արժանացե՞լ եք:

 -Ոչ, բայց հույս ունեմ, որ ամեն ինչ դեռ առջեւում է:

- Զոքանչի համար ի՞նչ գնեցիք:

-Քանի որ ծանր սոցիալական տարի էր, ոչինչ չգնեցի:

 -Ամանորյա գնումներից հետո, մինչեւ հաջորդ աշխատավարձը, գրպանում գումար մնա՞ց:

 -Յոլա գնալու:

- Հետևեցի՞ք, թե ով որքան կերավ Ձեր՝ Նոր տարվա սեղանից:

-Չէ, տանը չէի:

 -Ամանորի սեղան գցելու գործում Ձեր բաժինը:

-Խմիչքը ես եմ դնում:

 - Եղա՞ն մարդիկ, որ մտքում հաշվեցին Ձեր ամանորյա սեղանի արժեքը:

 -Միջին սեղան էր, անհրաժեշտություն չկար:

- Միջինը քանի՞բոնբոներկա եք նվիրում հյուր գնալիս:

 - Յուրաքանչյուր գնալուց ՝ մեկ:

 -Ձեզ նվեր բերված բոնբոներկան քանի՞անգամ եք ուրիշին նվեր տարել:

 -Շատ է եղել նման բան:

- Ինչպե՞ս կարելի է ապրել մարդավարի, եթե յուրաքանչյուր տարի որևէ կենդանու տարի է:

 - Չինացիները թող մտածեն:

- Ոչխարից ի՞նչ ակնկալիքներ ունեք:

- Կոնկրետ ոչխարից` ոչ մի: