Հայաստանի ազգային կինոկենտրոնը Եվրոպայի կինոկառույցների հիմնադրամների տասնյակում է

Հայաստանը Եվրոպայի կինոկառույցների ֆոնդերի տասնյակում է հայտնվել: Հայաստանի ազգային կինոկենտրոնի տնօրեն Գևորգ Գևորգյանի հավաստմամբ` սա նշանակում է, որ մեր երկրի արտադրանքը հետաքրքիր է այդ կառույցներին:

Ըստ նրա` եթե նախկինում կինոգործիչները ելքեր էին փնտրում` այլ երկրների հետ համատեղ արտադրության ֆիլմեր նկարահանելու համար, այժմ մի շարք երկրներ իրենք են մեզ հետ համագործակցության ուղիներ փնտրելու:

«Սա մեր երկրի կինոարտադրությանն ավելի մեծ ճանաչողություն կտա, համատեղ արտադրության ֆիլմերի քանակը զգալիորեն կավելանա, իսկ այսօր մեր ֆիլմերի մեծամասնությունը համագործակցության արդյունքում են ֆինանսավորվում»,- ասաց Գևորգյանը` հավելելով, որ վերջին տարիներին միջազգային կառույցներին միանալու կապերն ուժեղացել են: