Էկոնոմիկայի նախարարը լավատես է

Այսօր լրագրողների հետ զրույցում ՀՀ էկոնոմիկայի նախարար Կարեն Ճշմարիտյանը վստահեցրեց, որ եթե ապրանքների շուկայում արձանագրվեն հակամրցակցային չարաշահումներ` նախարարությունն անպայման  դրանց արձագանքելու է:

Ինչ վերաբերում է լրագրողների այն դիտարկմանը, որ եթե Սամվել Ալեքսանյանը որոշի բարձրացնել շաքարավազի գինը, ապա նախարարությունը կարձագանքի՞ , Կարեն Ճշմարիտյանը պատասխանեց. «Մեկ կամ երկու գործարարով չի որոշվում: Եթե այսօր նայեք արտահանման կառուցվածքը, ապա դրական են փոփոխությունները»:

Խոսելով ԵՏՄ անդամ երկրների միջև առկա տնտեսական տարաձայնությունների մասին` նախարարը նշեց. «Ցանկացած միության մեջ, ցանկացած տնտեսական հարաբերություններում որշակի ժամանակ է անհրաժեշտ, որպեսզի եղած խնդիրները լուծվեն: Ո'չ առաջինն ենք, ո'չ վերջինը: Նույնպիսի խնդիրներ ունեցել են նաև այլ միություններ, այլ ազատ տնտեսական տարածքներ: Կարծում եմ` համաձայնության կետեր կգտնեն, և անհարթությունները կվերանան: Չեմ կարծում, թե դրանք շատ սկզբունքային են»: