Yerkir.am-ի լրագրողը` մրցանակակիր

Այսօր ` Մարդու իրավունքների պաշտպանության միջազգային օրը, ՄԱԿ-ի հայաստանյան գրասենյակն ամփոփեց ամիսներ առաջ հայտարարված լրագրողական մրցույթի արդյունքները:

ՄԱԿ-ի մշտական համակարգողի ժամանակավոր պաշտոնակատար Հենրիետ Արենսը մրցանակներ հանձնեց հաղթող լրագրողներին: Երկրորդ մրցանակին է արժանացել Yerkir.am-ի լրագրող Աստղիկ Կարապետյանի` սելեկտիվ աբորտներին վերաբերող` «Հազարավոր աղջիկներ, դեռ չծնված, սպանվում են. մի օր հարսնացուներ չեն լինի» նյութը:

Առաջին մրցանակին արժանացավ «Առավոտ» օրաթերթի թղթակիցը, երրորդին` «ԱՐ» հեռուստաընկերության լրագրողը:

Մրցանակակիրները ստացան պատվոգրեր և պլանշետներ:

Նշենք, որ ՄԱԿ-ի հայաստանյան գրասենյակի կողմից մրցույթ էր հայտարարվել մարդու իրավունքների ասպարեզում ՄԱԿ-ի գործունեության լավագույն, արհեստավարժ և անկողմնակալ լրագրողական լուսաբանման համար: