Թուրքիայում ազգային փոքրամասնությունների ներկայացուցիչը հայ կլինի

Թուրքիայում ազգային փոքրամասնությունների ներկայացուցիչը հայ կլինի. հայտնում է «Ակօս»-ը:

Նոյեմբերի 17-ին Թուրքիայում հիմնադրամների միջև համերաշխության պլատֆորմի օրակարգում եղել է ազգային փոքրամասնությունների ներկայացուցիների ընտրությունների հարցը: Նոյեմբերի 28-ին կայանալիք` ազգային փոքրամասնություններրի ընտրություններին կմասնակցեն հունական, հայկական, հրեական և ասորական 125 հիմնադրամներ:

Մինչ այդ ազգային փոքրամասնությունների ներկայացուցիչ Լաքի Վինգասը «Ակօս»-ին հայտնել է, որ հունական հիմնադրամները այդ պաշտոնի համար կաջակցեն հայ թեկնածուին: Նա նշել, որ հունական հիմնադրամներն անհամբեր սպասում են հայ համայնքի առաջադրած թեկնածուի հետ ծանոթանալուն:

Հրեական համայքի ներկայացուցիչը հայտնել է, որ հրեական հիմնադրամները ևս ցանկութոյւն ունեն աջակցել հայ թեկնածուին:

Իր թեկնածությունն առաջադրելու մասին է հայտնել Օրթաքոյի Սուրբ Աստվածածին հիմնադրամի նախագահ Իսքենդեր Շահինգյոզը: Բացի օտար լեզուների տիրապետումից, Շահինյանը նշել է, որ այդ պաշտոնը ստանձնելու համար հարկավոր է նաև հասկանալ այդ «երկրի լեզուն» և խնդիրներն հնարավորինս արդյունավետ ներկայացնել Անկարայում: