Ի՞նչ է նշանակում հրդեհապայթունավտանգավորության փորձաքննություն. վարչապետը՝ նախարարին

Այսօր Կառավարության նիստում ՀՀ արտակարգ իրավիճակների նախարար Արմեն Երիցյանը ներկայացրեց տեխնիկական բնույթ ունեցող մի որոշում, ըստ որի «Տեխնիկական անվտանգության ազգային կենտրոն» պետական ոչ առևտրային կազմակերպություն ստեղծելու և նրա կանոնադրությունը հաստատելու մասին» որոշման մեջ «փորձաքննության» բառից առաջ լրացվում է հրդեհապայթունավտանգավորության և հրդեհային անվտանգության բառերով:

Փոփոխությունը ենթադրում է, որ գազալցակայաններում և բենզալցակայաններում հրդեհային անվտանգության փորձաքննություն պետք է կատարվի, ապա թույլատրվի կոնկրետ տարածքում դրանց բացումը: Վարչապետը հետարքրքվեց, թե ինչ է նշանակում հրդեհապայթունավտանգավորության և հրդեհային անվտանգության փորձաքննություն:

Նախարարը նշեց, որ հիմնականում փորձաքննություն են անցկացնում գազալցակայաններում ու բենզալցակայաններում, պայթունավտանգ օբյեկտներում միանգամից գնում են, տեղում նայում ու տալիս եզրակացություն: Նրա խոսքը մտահոգություն առաջացրեց Հովիկ Աբրահամյան «Այս հարցերի վերաբերյալ չափորոշիչները պետք է վերանայվեն: Ես մտահոգություն ունեմ, բայց պիտի քննարկենք, որ ես հասկանամ` ինչ է:Ուշադիր պետք է լինել, որ այդ փորձաքննությունը լրացուցիչ դժվարություններ չստեղծի գործարարների համար »,- ասաց վարչապետը: