ԱՄՆ-ում «Հայկական ուժ» հանցախմբի դատական գործը մոտենում է ավարտին

Լոս Անջելեսում դատապարտվել է «Հայկական ուժ» խմբավորման վերջին անդամներից մեկը՝ սենսացիոն գործերի շրջանակում, որոնք հարուցվել են խմբավորման դեմ դեռևս 2011-ին և ներառում են, ընդհանուր առմամբ, 90 մեղադրյալ. հայտնում է BBC Russian-ը:

Տեղական դաշնային դատախազության համաձայն՝  առայժմ նրանցից միայն երկու կամ երեք հոգի չեն դատապարտվել:

«Հայկական ուժ» խմբավորումը, որն ունի մոտ 250 անդամ՝ մի քանի հարյուր հետևորդներով, ձևավորվել է 1980-ականներին Լոս Անջելեսում: Ինչպես նմանատիպ շատ այլ կազմավորումներ, խումբը սկզբնական շրջանում ձևավորվել է օտարներից և մրցակիցներից պաշտպանվելու համար, սակայն հետագայում վերածվել է հանցախմբի, որը զբաղվում է ամեն ինչով՝ սկսած սպանություններից և խարդախություններից, վերջացրած  թալանով: