Թիվ 139 դպրոցում կրքերը, կարծես, հանդարտվում են

Կարեն Դեմիրճյանի անվան թիվ 139 ավագ դպրոցում ուսումնական տարին դասադուլով էր սկսվել: Դպրոցի նախկին տնօրենն առողջական խնդիրների պատճառով ազատվել էր աշխատանքից, և ԿԳ նախարարի հրամանով` դպրոցի տնօրեն էր նշանակվել դպրոցի փոխտնօրենը` ՀՀԿ-ական Հերմինե Դավթյանը: Սակայն օրեր առաջ, ԿԳ նախարարի մեկ այլ հրամանով, դպրոցը տնօրենի նոր պաշտոնակատար ունեցավ` նախկին զինդատախազ Գագիկ Ջհանգիրյանի դուստրը` Կլարա Ջհանգիրյանը: Ուսուցիչներին, սակայն, դուր չէր եկել նախարարի այս որոշումը, ուզում էին տնօրենն իրենց կոլեկտիվից լինի, ինչի պատճառով էլ դասադուլ էին արել:

Yerkir.am-ի հետ զրույցում Կլարա Ջհանգիրյանը նշեց, որ դասապրոցեսն ընթանում է նորմալ հունով, դպրոցում ամեն ինչ կարգին է, ուսուցիչներն անցել են գործի: Ջհանգիրյանը զերծ մնաց այլ մեկնաբանություններից: