ՀԱԿ-ում կրքերը չեն հանդարտվում

«Հրապարակը» գրում է, որ իրավիճակը ՀԱԿ-ում գնալով թեժանում է: Կիրակի օրը տեղի ունեցած «Ժողովրդավարական հայրենիք» կուսակցության քաղխորհրդի նիստը, որում ՀԱԿ համակարգող Լևոն Զուրաբյանի հրաժարականի մասին որոշում պետք է ընդունվեր, տեղի է ունեցել ոչ թե Աջափնյակի ՀԱԿ գրասենյակում, որտեղ ավանդաբար տեղի են ունենում ԺՀ նիստերը, և որի ղեկավարը ԺՀ անդամ Պետրոս Գևորգյանն է, այլ «Ազատ դեմոկրատների» գրասենյակում:

Պետրոս Գևորգյանը, որ գտնվում է Լևոն Զուրաբյանի անմիջական «կուրացիայի» տակ, տեղյակ լինելով, թե ինչ որոշում է կայացվելու այդ օրը, որովհետև ԺՀ քաղխորհրդում Պետրոս Մակեյանը մեծամասնություն ունի, փակել է գրասենյակի դռներն ու գնացել Զովունի, որպեսզի նիստը հետաձգվի, իրենք` քաղխորհրդի մեկ այլ անդամ Ղուկաս Մեհրաբյանի և Լևոն Զուրաբյանի հետ հասկանան, թե ինչպես են կանխում այդ որոշումը: