Թուրքիայի նոր արտգործնախարարը ևս «արդար հիշողության» կոչ է անում

Թուրքիայի ԱԳ նորանշանակ նախարար Մևլութ Չավուշօղլուն հայտարարել է, որ Անկարան հետևում է Հայոց ցեղասպանության 100-րդ տարելիցին ընդառաջ` հայկական կողմի նախապատրաստություններին:

Ըստ Haberler-ի՝ «արդար» չգնահատելով Հայաստանի այս մեթոդը` Չավուշօղլուն պնդել է, որ անհնար է այս խնդիրը «ոչ արդար» հիշողությամբ, միակողմանի լուծել: Նա հիշեցրել է տարիներ առաջ Էրդողանի արած առաջարկը` Հայաստանի նախագահին՝ համատեղ պատմական հանձնաժողով ստեղծել «իրադարձություններն ուսումնասիրելու համար», որը հայկական կողմը մերժել էր:

Չավուշօղլուն Հայաստանին և հայկական Սփյուռքին մեղադրել է «երրորդ երկրների միջնորդությամբ տարբեր նախաձեռնություններ իրագործելու մեջ», հատկապես՝ ներքին կամ միջազգային խորհրդարաններում Հայոց ցեղասպանության քննարկման հարցում:

Չավուշօղլուն դարձյալ խորհուրդ է տվել այս հարցը «թողնել պատմաբաններին»: