ԱՄՆ-ը կոչ է անում արդար վերաբերմունք ունենալ Սահակաշվիլիի նկատմամբ. Պետքարտուղարություն

Վաշինգտոնը կոչ է անում ցուցաբերել արդար վերաբերմունք Վրաստանում ձերբակալված նախկին նախագահ Միխեիլ Սաhակաշվիլիի նկատմամբ և ուշադիր հետևում է իրավիճակին.  երկուշաբթի հայտարարել է ԱՄՆ պետդեպարտամենտի խոսնակ Նեդ Փրայսը:

«Մենք տեղյակ ենք Սահակաշվիլիի ձերբակալության մասին և ուշադիր հետևում ենք իրադարձությունների զարգացմանը»,- ասել է Փրայսը:

«Մենք կոչ ենք անում Վրաստանի իշխանություններին` համոզվել, որ Սահակաշվիլիի հետ վարվում են արդարացիորեն՝ Վրաստանի օրենսդրությանը, ինչպես նաև Վրաստանի մարդու իրավունքների միջազգային պարտավորություններին համապատասխան»,- հավելել է նա։

Սահակաշվիլին ձերբակալվել է Վրաստանում հոկտեմբերի 1-ին: Նա այժմ գտնվում է Ռուսթավի քաղաքի բանտում: Վրաստանում Սահակաշվիլին ներգրավված է մի քանի քրեական գործերում:

Վրաստանի իշխանությունների ներկայացուցիչները բազմիցս հայտարարել են, որ նրան կձերբակալեն սահմանը հատելուն պես, սակայն նրան հաջողվել է շրջել ամբողջ Վրաստանով, այնպես, որ իշխանությունները դրա մասին ոչինչ չեն իմացել: Սահակաշվիլին իշխանություններին ինքն է հայտնել իր գտնվելու վայրի մասին: Նա հացադուլ է հայտարարել, որ մտադիր չէ դադարեցնել մինչեւ ազատ արձակվելը: