Թուրքիան եւ Ադրբեջանը միասին կպայքարեն Հայոց ցեղասպանության 100-րդ տարելիցի միջոցառումների դեմ. Թուրքիայի ԱԳ նախարար

Թուրքիայի նորանշանակ արտգործնախարար Մեւլութ Չավուշօղլուն ադրբեջանական ԱՊԱ լրատվական գործակալությանը տված հարցազրույցում վերահաստատել է իր հակահայ դիրքորոշումը: Այս մասին հայտնում է Yerkirmedia-ն:

Չավուշօղլուն, լրատվամիջոցի պնդմամբ, հայտարարել է, թե Թուրքիան եւ Ադրբեջանը միասին կպայքարեն Հայոց ցեղասպանության 100-րդ տարելիցի միջոցառումների դեմ: Լրագրողը, շեշտելով, թե նա լավ գիտի Ադրբեջանը, իսկ Ադրբեջանը՝ նրան, հարցրել է, թե, որպես նախարար, ի՞նչ ուղերձ է ցանկանում հղել Բաքվին: Թուրքիայի արտգործնախարարն ասել է, թե Ադրբեջանը կարող է վստահ լինել՝ ինքը կգործի նաեւ որպես այդ երկրի արտգործնախարար: «Մենք կմիավորենք մեր ուժերն ու ջանքերը բոլոր հարցերում»,- շեշտել է Չավուշօղլուն: