Պետության համար աշխատել ենք, որ նույն պետությունը մեզ անտերությա՞ն մատնի

Այսօր կառավարության մոտ էին հավաքվել հաշմանդամ եւ արդեն թոշակառու օդաչուները, որոնք պահանջում են վերականգնել հաշմանդամության համար վճարվող փոխհատուցումները:

Պետական առաջադրանք կատարելիս՝ աշխատանքային գործունեության ընթացքում հաշմանդամություն ձեռք բերած օդաչուներն ու ավիացիոն այլ մասագետները մինչև 2006թ. կառավարությունից որոշակի գումարային փոխհատուցում են ստացել, սակայն արդեն 8 տարի է, ինչ կառավարության որոշմամբ՝ փոխհատուցում այլևս չեն ստանում:

«120-ից ավելի հաշմանդամ օդաչուներ էինք, հիմա ողջ է 59-ը: Մենք գումար չունենք, որ դեղորայք գնենք, ի վիճակի չենք աշխատել, դրա համար էլ պահաջում ենք փոխհատուցումը վերականգնել: Պետության համար աշխատել ենք, որ նույն պետությունը մեր անտերությա՞ն մատնի»,-ասում էին ներկաները:

Մանրամասները՝ տեսանյութում: