Ուկրաինայում այժմ որոշվում է Եվրոպայի ճակատագիրը

Ուկրաինայում այժմ որոշվում է Եվրոպայի ճակատագիրը: Այդ մասին երեկ Լվովում ասուլիսի ժամանակ ասել է Վրաստանի նախկին նախագահ Միխեիլ Սահակաշվիլին:

«Ուկրաինայում այժմ որոշվում է Եվրոպայի ճակատագիրը, ես կարծում եմ, որ եվրոպացիները նույնպես դա հասկացել են: Ուկրաինան սեփական կյանքով ու արյունով փրկում է եվրոպական քաղաքակրթությունը 21-րդ դարի բարբարոսներից: Այսօր նշվում է Վրաստան ռուսական ներխուժման տարելիցը: 2008-ին մի քանի հարյուր վրացի զինվոր զոհվեց, սակայն մինչ այդ մեզ մոտ շարունակվել է 20-ամյա պատերազմը, որը տասնյակ կայնքեր է խլել»,-ասել է նա:

Նրա խոսքերով՝ այն ամենը, ինչ տեղի է ունենում Ուկրաինայում, քաջ ծանոթ է վրացիներին: 

«Սակայն կա նաև նոր բան, քանի որ այն, ինչ այսօր կատարվում է Ուկրաինայում, Ռուսական կայսրության մայրամուտն է»,- ասել է  նա: