Պենտագոնը միանգամայն հավանական է համարում ՌԴ ռազմական միջամտությունն Ուկրաինայում

Ներկայումս առկա է ՌԴ-ի  ռազմական միջամտության հնարավորությունն Ուկրաինայում ճգնաժամին: Այդ մասին հայտարարել է  ԱՄՆ պաշտպանության նախարար Չաք Հեյգելը`  զրուցելով լրագրողների հետ:

Հեյգելը ասել է, որ համաձայն է Լեհաստանի ԱԳՆ ղեկավար Ռադոսլավ Սիկորսկիի տեսակետի հետ, ով Ուկրաինայում ՌԴ կողմից իր զինված ուժերի կիրառման բարձր վտանգ է տեսնում:

«Կարծում եմ` դա է իրականությունը: Երբ տեսնում եք ռուսական զորքերի մեծացումը, նրանց կատարելության մակարդակը, վարժեցվածությունը, սահմանին տեղակայված ծանր ռազմատեխնիկան, ապա, իհարկե, դա իրականություն է, դա սպառնալիք է, դա հնարավորություն է»,- ասել է Պենտագոնի ղեկավարը:

Նա նաև կոչ է արել պատրաստվել նրան, որ Ուկրաինական ճգնաժամի շուրջ իրավիճակը կարող է «վատթարանալ»: