Չեմպիոնների լիգա. Ռոբերտ Արզումանյանը փրկեց «Ակտոբե»-ին պարտությունից

ՈւԵՖԱ-ի չեմպիոնների լիգայի որակավորման 3-րդ փուլի առաջին խաղում ղազախական «Ակտոբե»-ն, որի կազմում հանդես են գալիս Հայաստանի հավաքականի ֆուտբոլիստներ Ռոբերտ Արզումանյանն ու Մարկոս Պիզելին, այսօր սեփական հարկի տակ ընդունեց  ռումինական «Ստյաուա»-ին: 44-րդ րոպեին հյուրերը Կեսերուի խփած գոլի շնորհիվ առաջ  անցան հաշվի մեջ: 58-րդ րոպեին Մարկոսի փոխանցումից հետո Կարոբկինը հավասարեցրեց  հաշիվը: 79-րդ րոպեին հյուրերը 2-րդ անգամ  առաջ անցան հաշվի մեջ: Գոլի հեղինակ  դարձավ Պեպելիտա: Խաղի հիմնական ժամանակի ավարտից 2 րոպե առաջ Ռոբերտ Արզումանյանը փրկեց ղազախական թիմին պարտությունից: «Ակտոբե»-«Ստյաուա»՝ 2:2: