Քարվաճառում անհետացած տղային դեռ չեն հայտնաբերել

Քարվաճառի շրջանում ադրբեջանական դիվերսիոն խմբի ներթափանցման օրերին անհետացած` Նոր Էրքեջ գյուղի  17-ամյա բնակիչ Սմբատ Ցականյանին դեռ չեն հայտնաբերել: Այս մասին yerkir.am-ին հայտնեցին ԼՂՀ ոստիկանությունից: Ըստ նույն աղբյուրի` տղայի անհետացման մի քանի վարկած է շրջանառվում, այդ թվում` չի բացառվում, որ նրան առևանգել են դիվերսանտները:

Նշենք, որ, ըստ ոստիկանության հաղորդման, Սմբատ Ցականյանը հուլիսի 4-ին` ժամը 21:00-ի սահմաններում, դուրս է եկել «Ճումեն» կոչվող տեղամասում գտնվող իրենց պատկանող տնից և չի վերադարձել:

Հիշեցնենք, որ ԼՂՀ Պաշտպանության բանակի առաջապահ զորամասերի կողմից ձեռնարկված օպերատիվ գործողությունների արդյունքում՝ հակառակորդի հետախուզադիվերսիոն հերթական խումբը հայտնաբերվել էր հուլիսի 10-ին, դրա անդամների մի մասը ձերբակալվել է, մյուսները դիմել են փախուստի: