Ազատ ոճի ըմբշամարտի Հայաստանի հավաքականն ուսումնամարզական հավաք է անցկացնում Վլադիկավկազում

Ազատ ոճի ըմբշամարտի Հայաստանի հավաքականը երեկվանից ուսումնամարզական հավաք է սկսել Վլադիկավկազում: Մարզաձևի պաշտոնական կայքին հավաքականի գլխավոր մարզիչ Արայիկ Բաղդադյանը տեղեկացրել է, որ մարզիկները Հյուսիսային Օսիայի մայրաքաղաքում կմնան մինչև հունիսի 21-ը, այնուհետև կվերադառնան Հայաստան և կպատրաստվեն հուլիսի 1-ին մեկնարկելիք` Ստեփան Սարգսյանի անվան մրցաշարին:

«Հավաքին մասնակցում են 14 մարզիկ, երեք մարզիչ և բուժանձնակազմ: Մենք հիմնական ուշադրությունը դարձնում ենք տղաների ընդհանուր և ֆիզիկական պատրաստությանը: Մեր նպատակն է լավ մասնակցել հուլիսի 18-20-ը Վանաձորում կայանալիք` Ստեփան Սարգսյանի անվան մրցաշարին»,- հայտնել է Արայիկ Բաղդադյանը: