Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
Հայաստանի ազգային օլիմպիական կոմիտեի ըմբշամարտի մասնագիտացված մարզադպրոցի Էջմիածնի մասնաճյուղի երեք սան օրերս մասնակցել է Լեհաստանի Կարտուզ քաղաքում անցկացված հունահռոմեական ըմբշամարտի միջազգային պատանեկան ավանդական մրցաշարին: Վաստակավոր մարզիչ Վարուժան Աղաբաբյանի գլխավորությամբ` մեր պատվիրակները լեհական մրցագորգի վրա հրաշալի ելույթներ են ունեցել: Գոռ Հովսեփյանը (29 կգ), Սամվել Աղաջանյանը (38 կգ) և Արման Մելքոնյանը (42 կգ) հասել են եզրափակիչ: Գոռն ու Սամվելը չեմպիոնական գոտեմարտերում ևս հաղթել են և արժանիորեն կանգնել պատվո պատվանդանի ամենավերին աստիճանին: Արման Մելքոնյանը բավարարվել է երկրորդ տեղով:
Վարուժան Աղաբաբյանը մարզաձևի պաշտոնական կայքին հայտնել է, որ Կարտուզ քաղաքում կա ութ հայ ընտանիք: Նրանք բոլորը մրցաշարի օրերին գտնվում էին մարզադահլիճում, ոգևորում և աջակցում էին մեր պատանի ըմբիշներին:
Մարզիչը տեղեկացրել է նաև, որ մեր հայրենակիցները հուշանվերներ են հանձնել մրցանակակիր պատանի ըմբիշներին: