Թուրքիայում հայտնի երգչուհին դարձյալ հայերեն է երգել

Թուրքիայում հայտնի երգչուհի Սեզեն Աքսուն Գերմանիայի Մյունխեն քաղաքում համերգի ժամանակ դարձյալ հայերեն երգ է երգել:

Ըստ Hurriyet-ի՝ Աքսուն համերգի ժամանակ կատարել է ազգությամբ քուրդ (Մալաթիայում ծնված) երգիչ Ահմեդ Քայայի «Արտասվելով» երգը, որի երաժշտությունը պատկանում է Արա Դինքջյանին:

Աքսուն համերգի ժամանակ կատարել է նաև հայկական «Բինգյոլ» երգը: Տեսանյութում դիտեք 3:48 րոպեից:

Նշենք, որ Ահմեդ Քայան Թուրքիայում սիրված երգիչ էր, նրան աքսորեցին Ֆրանսիա, որտեղ և վրա էր հասել պատակահան մահը: Այժմ նրա կինը՝ Գյուլթեն Քայան, Հրանտ Դինքի սպանության բացահայտման գործում ակտիվ մասնակցություն է ցուցաբերում:

Հիշեցնենք, որ տարիներ առաջ համերգի ժամանակ Սեզեն Աքսուն կատարել էր «Դլե յաման»-ը, որից հետո արժանացել թուրքական իշխանությունների բուռն քննադատություններին: