Սահակաշվիլին կարող է Ուկրաինայի նոր նախագահի խորհրդականը դառնալ

Վրաստանի նախկին նախագահ Միխեիլ Սահակաշվիլին և Վրաստանի էկոնոմիկայի նախկին նախարար Կախա Դենդուկիձեն կարող են ներառվել Ուկրաինայի նոր նախագահ Պյոտր Պորոշենկոյի թիմում՝ որպես նախագահի խորհրդականներ. հայտնում է Russia Today-ը: Այդ մասին ուղիղ եթերում հայտարարել է УДАР կուսակցության առաջնորդ Վիտալի Կլիչկոն:

Նշենք, որ նա, համաձայն exit poll-երի արդյունքների, հաղթել է Կիևի քաղաքապետի ընտրություններում։

«Վրաստանը մեզ համար օրինակ է։ Ես  խոսել եմ Սահակաշվիլիի հետ, նա առաջարկել է իր ծառայությունները, խոսել եմ Դենդուկիձեի հետ և վստահ եմ, որ նրանցից յուրաքանչյուրն իր օգնությունը կտրամադրի, եթե դրա անհրաժեշտությունը լինի»,- ասել է Կլիչկոն։