Էրդողանը չի կարող միջնորդ դառնալ Ուկրաինայի հետ բանակցություններում. Պեսկով

Ուկրաինայի թեման քննարկվել է Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպման ժամանակ, սակայն Թուրքիայի առաջնորդը չի կարող միջնորդ դառնալ բանակցություններում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

Պուտինն ու Էրդողանը չորեքշաբթի բանակցություններ են անցկացրել Ղազախստանում Շանհայի համագործակցության կազմակերպության (ՇՀԿ) գագաթնաժողովի շրջանակում:

«Ոչ, հնարավոր չէ», - «Առաջին ալիքին» տված հարցազրույցում ասել Է Պեսկովը՝ պատասխանելով հարցին, թե հնարավո՞ր է, որ Էրդողանը միջնորդ դառնա Ուկրաինայի հարցով բանակցություններում:

Կրեմլի ներկայացուցիչը միաժամանակ հաստատել է, որ Ուկրաինայի թեման քննարկվել է Աստանայում երկու առաջնորդների հանդիպման ժամանակ: